Metal yeyən bitki növü

Filippinin Luzon adasında metal yeyən bitki növü aşkar edilib. “Rinorea nikolifera” adlı bu bitki növü həyatda qala bilmək üçün nikellə qidalanır. Ehtiyacından artıq qalanını isə yarpaqlarında toplaya bilir. 18.000 ppm (milyonda bir hissə) metal toplamasına baxmayaraq, özü bundan zəhərlənmir. Bu rəqəm digər bitkilərlə müqayisədə 1000 dəfə çoxdur.

Dünyada təqribən 450 bitki növü metal yemə və toplama xüsusiyyəti ilə birlikdə yaradılmışdır. Tərkibində çoxlu ağır metallar olan torpaqların təmizlənməsində bu bitkilərdən istifadə etmək planlaşdırılır.

Sonsuz şəfqət sahibi olan Rəbbimiz hər canlını ehtiyacına uyğun olaraq yaratmışdır. Quranda bu həqiqət belə bildirilir:

... Elə bir canlı yoxdur ki, (Allah) onun kəkilindən tutmuş olmasın. Həqiqətən, Rəbbim ədalətlidir. (Hud surəsi, 56)