Yaşıl enerjidə yosun dövrü başladı

Almaniyanın Hamburq şəhərində dəniz yosunu ilə enerji hasil edən bina inşa edilib. Şüşə lövhələrdən təşkil olunmuş ağıllı bina şüşələrin içindəki mayenin qaynadılması ilə 15 mənzili isidəcək enerji ehtiva edir. Lövhələrin içindəki yanacaq isə tamamilə biolojidir – dəniz yosunu və planktonlardan ibarətdir.

Layihənin rəhbəri Martin Kerner sistemi belə xülasələyib:

“Lövhələrdə isidilən yosun həlimindən çıxan qaz binanın içindəki borularda dolaşır və istər evlərin isinmə ehtiyacını, istərsə də isti suyunu reaktor vasitəsilə təmin edir”.

Ekoloji binanın sakinlərindən Laura akvarium mənzərəli balkonunda jurnalistlərin suallarını cavablayıb. Laura böyük ölçüdə enerjiyə qənaət etdiklərini vurğulayıb.

Binanın memarı Dietmar Valbert isə bu texnologiyanı “Bu, gələcəyin dünyasıdır. 30 il əvvəl verdiyimiz bütün sualların cavabıdır” sözləri ilə izah edib.

Minerallarla çox zəngin olan dəniz yosunu həlimi gələcəyin əsas enerji mənbələrindən biri ola bilər.